النجمة الإيطالية مونيكا بيلوتشي خطفت الأضواء فمهرجان مراكش هاد العام، وكانت الضيفة الرئيسية للمهرجان ونالت شرف الجلوس فـ مأدبة العشاء فجنب مولاي رشيد.

بطبيعة الحال ماشي غير بجمالها وأناقتها للّي كانو ملفتين، ولكن حتى الكسيوات للّي لبساتهم وللّي الثمن أو القيمة الإجمالية ديالهم تجاوزات 170 مليون سنتيم ، وهادشي بلا ما نحسبو les accessoires بحال البراسلي ديال Cartier اللّي بوحدو كيتراوح الثمن ديالو بين 120 و 136 مليون على حساب عدد الألماسات اللّي فيه!

الكسيوة الأولى للي لبساتها فمأدبة العشاء مع مولاي رشيد ، و للّي تتنتمي لفئة "Haute Couture". هاد الكسيوة من تصميم مصمم الأزياء العالمي اللبناني الأصل "Elie Saab"، والقيمة ديالها تقريبا 100 مليون سنتيم. كلها مخدومة باليد وبخامات عالية الجودة، والنتيجة كانت مبهرة. للتذكير "Elie Saab" العلامة للّي تتحمل نفس الإسم و للّي مختصة فبيع القطع الفاخرة.

الكسيوة الثانية فهي من تصميم المصممة الإيطالية "Maria Grazia Chiuri"، والثمن ديالها تقريبا 70 مليون سنتيم، وحتى هي من فئة "Haute Couture"، و للّي كتعكس الأناقة الإيطالية التقليدية ممزوجة بلمسة عصرية.