العناية بالمناطق الحساسة كتشكل جزء مهم من استعدادات العروسة المغربية لليلة العمر. كل عروسة كتحلم تكون فنهار عرسها فـ أبهى حلة، والجسم ديالها ناعم ونقي. وفي نفس الوقت، العروسة كتحاول تلقى طرق بسيطة وفعالة اللّي كاتوافق طبيعتها وتقاليدها المغربية.

فهاد المقال غادي نتكلمو على جوج طرق فعالة للعناية بالمناطق الحساسة، وحدة كتعتمد على حيل بسيطة تقدر ديرها العروسة فالدار، والثانية كتستعمل منتوجات مضمونة ومجربة فالسوق.

أول خطوة باش تبقى المنطقة الحساسة نقية وناعمة هو التقشير، ولكن خصو يكون بطريقة ناعمة باش ما تسببش فـ تهيج البشرة. تقدري تخلطي ملعقة كبيرة ديال السكر البُني مع ملعقة صغيرة ديال العسل، وتدلكي المنطقة بحركات دائرية غِير بشْوية. هاد الخليط كيساعد فـ إزالة الخلايا الميتة وكيرطب البشرة مزيان، حيت العسل معروف بقدرته على تهدئة وترطيب الجلد.

ماء الورد هو السر ديال بزاف ديال العيالات المغربيات فالعناية بالبشرة. كيهدّي البشرة وكينقص الالتهابات. من بعد الاستحمام، غمسي قطعة قطن فـ ماء الورد وضعيها على المنطقة الحساسة وخليها شي دقائق. هاد الطريقة غادي تحسي بيها بالانتعاش والنظافة اللّي كتحتاجيها.

فهاد الوقت كاينين بزاف ديال المنتوجات المخصصة للعناية بالمناطق الحساسة اللّي تقدر تستعمليهم بشكل يومي بلا خوف. من بين هاد المنتوجات اللّي ولى عنده شعبية كبيرة فالمغرب هو الغسول (Beesline Feminine Hygienic Wash) اللّي كيحتوي على مكونات طبيعية بحال الصبار والبابونج، اللّي كينظف المنطقة بلطف وكيرطبها بلا ما يسبب ليك أي تهيج.

باش تبقى المنطقة الحساسة ناعمة ومحمية، مهم تستعملي كريمات ترطيب مخصصة لهاد المناطق. اختاري كريمات اللّي فيها زبدة الشيا أو زيت الكوك (جوز الهند)، حيت هاد المواد كترطب البشرة بعمق وكتحافظ على نعومتها. كريمات الترطيب اللّي كاينين دابا فالسوق، وخصوصاً اللّي كاتستعمليهم بعد إزالة الشعر، كيعاونوا بزاف باش ما يطلعوش البثور أو الحبوب، وكيخليو البشرة مرتاحة.

فريق ExtraMoro كيقتارح عليك المنتج (Bepanthen) حيت هاد المنتج أثبت فعّاليته.

باش تكوني فنهار عرسك مرتاحة ومطمئنة، من الأفضل تبداي العناية بالمناطق الحساسة بمدة قبل العرس. سواء اختاريتي الطرق الطبيعية البسيطة ولا المنتجات اللّي مجربة، أو المزج بيناتهم بطريقة واعية ... الأهم هو تولي دايماً واثقة من راسك ومرتاحة نفسياً وهادشي غيبان فالبشرة ديالك مباشرة.

إلى فايت جربتي وحدة من بين هاد الطرق خلي لينا رأيك ،ولا عندك أي تساؤل خليه لينا فتعليق حتى هو.