تنسيق ألوان اللباس بالنسبة للبنات السمراوات كيعتمد على مجموعة ديال العوامل باش يبينو الجمال الطبيعي ديالهم ويعطيهم إشراقة وأناقة متناسقة. هاد النصائح اللّي غادي نشاركو معاك غتساعدك تختاري الألوان اللّي تناسب لون بشرتك السمراء.

البنات السمراوات عندهم فرصة رائعة باش يلبسو ألوان كتعزز الإشراقة ديال بشرتهم. الألوان الزاهية والغنية كتناسب البشرة السمراء بشكل كبير. مثلا :

• الألوان الأرضية بحال البني، الكاكي، والكريم، كتخلق توازن طبيعي مع هاد اللون د البشرة.
• الألوان الدافئة بحال البرتقالي، الأحمر الغامق، والنبيذي كتعطي إشراقة قوية وكاتبين الملامح.
• الألوان الباستيلية بحال الوردي الفاتح، النعناعي، والأزرق السماوي كتعطي لمسة ناعمة ومتناسقة.

بعض الألوان ميمكنش تبان مزيانة مع البشرة إلى كانت سمراء، وخاصك ما أمْكن تحاولي تبعدي عليهم :

• الألوان الفاتحة بزاف بحال الأبيض الصافي أو الأصفر الفاقع، حيت ميمكنش يبرز لون بشرتك بشكل زوين.
• الألوان الرمادية والألوان اللّي "مطفيّة" تتنقص من إشراقتك بشكل كبير.

هاد الألوان كتكون مناسبة لكل ألوان البشرة، ولكن للبشرة السمراء كتعطي واحد اللوك كلاسيكي وأنيق. مثلا :

• الأسود كيجي مثالي فالمناسبات الخاصة وكيزيد أناقة لأي إطلالة.
• البيج و "البْلونكاسّي" كيخلقو توازن ويعطيو لمسة نعومة.

التناسق ديال الألوان كيلعب دور كبير فالإطلالة ديالك. ضروري تجربي تمزجي بين الألوان الزاهية والمحايدة باش تحصلي على لوك متوازن ومريح للعين. مثلا، جربي تلبسي بلوزة وردية مع سروال بيج، أو فستان برتقالي مع جاكيت جلدية بنية.

متنسيش أن الإكسسوارات كتزيد من جمال الإطلالة ديالك. جربي تعتمدي على الإكسسوارات الذهبية حيت كتناسب البشرة السمراء بشكل كبير.

ديما كوني جريئة فجرب الألوان الجديدة والمختلفة، لأن الأناقة كتعتمد على الثقة فالنفس والطريقة اللّي كتلبسي بها. وخاصك تحاولي ديما تحققي التوازن بين الألوان والقطع باش تخلقي إطلالة متناسقة.

متنسايش تشوفي المقال اللّي درناه على حيل خطيرة في الباس تخليك تستغلي قصر القامة ديالك باش تباني أطول.

مهم، هاد النصائح غادي تساعدك تختاري الألوان اللّي غيخليوك تبيّني الجمال الطبيعي ديالك، وديما فكري أن التوازن والجرأة هما اللّي كيساعدو كثر باش تحققي لوك مميز.