مع دخول فصل الخريف، كيجي الوقت المناسب باش تبدلي من الملابس الضيقة إلى قطع فضفاضة كتجمع بين الراحة والأناقة. الخريف معروف بالطقس البارد اللطيف اللّي كيخليك تستمتعي بأكلات مريحة بلا ما تقلقي من انتفاخ البطن. الملابس الفضفاضة كتسمح ليك تحسي بالحرية، وتلعبي بالطبقات اللي كتزيد من جمالية المظهر ديالك وكتعطيك إطلالة عصرية ودافئة في نفس الوقت.

هاد الشي اللّي خلانا نجيبو ليكم أفضل 6 قطعة ملابس فضفاضة من الضرورة يكونو عندكم

من القطع اللّي غادي تعجبكم فهاد الموسم، هي السترات الكبيرة اللّي كتكون مثالية لأيام الخريف الباردة، بحال :

1 - السترة الفضفاضة من فئة Crewneck اللّي عندها فتحات فالجوانب باش تحسي بالانتعاش والراحة.

2- سترة الفانيلا الرائجة Flannel Shacket اللّي كتوفر الدفء وكتزيد من الأناقة.

3 - بلا ما ننساو الفساتين الفضفاضة اللّي بستايل بوهو شيك Boho Chic و اللَي كتزيدك أنوثة وراحة فالمناسبات الخفيفة.

السراويل الفضفاضة والجينز الواسع كيوفرو ليك خيار مثالي باش تكوني مرتاحة طوال النهار.

4 - بنطلون البالازو Palazzo ، كيجي بألوان متعددة وكيعطيك المرونة باش تحركي بحرية بلا ما تحسي بأي انزعاج.

5 - وخا هاد الستيل Baggy Palazzo تيبان فحال ملابس المنزل، إلا أنه تيجي خطير مع شي سترة صوفية فاش تايكون عندك موعد غير الرسمي.

6 - الجينز الفضفاض و اللّي من نفس فئة Baggy كذلك خيار عصري تقدر تلبسيه مع سترة وكتحصلي على مظهر شيك بلا مجهود.

فـ الأخير، الخريف فرصة مثالية باش تستمتعي بالراحة بدون ما تفقدي الأناقة ديالك. الملابس الفضفاضة كتخلي إطلالتك متجددة وكتخليك تحسي بالدفء والسعادة في نفس الوقت.

هاد القطع اللّي اخترنا ليكم كتمنحكم مرونة فاللبس وكتسهّل عليكم اختيار أزياء خريفية دافئة ومتناسقة.