نجوم K-Pop ديما كيعرفو كيفاش يبقاو شباب فالمظهر، من خلال العناية بالبشرة والماكياج المتقون وحتى نمط الحياة اللّي كيتبعوه. والناس تدهشو من الجمال ديال واحدة من نجوم الجيل الثاني اللّي دبا وصلات لـ40 عام. وما كايناش شي وحدة أخرى كتستحق هاد الكلام قد ما كتستحق Sandara Park، اللّي معروفة باسم Dara من فرقة 2NE1.

فالصور اللّي تنشرو مؤخرا، Dara كانت لابسة فستان وردي من Giambattista Valli فـ Paris Fashion Week. التعليق على الصور كان : "كيفاش غادي تكمل 40 عام العام الجاي؟". حيث Dara تزادت فـ 1984، يعني كانت عندها 38 عام فالعمر الدولي، ولكن حسب العمر الكوري عندها 39.

"ساندرا" معروفة بـ“baby-face” اللّي عمره ما كيبان عليه السن. ولكن ماشي غير المظهر اللّي كتحافظ عليه، حيث فصناعة K-Pop، بزاف ديال الفنانات كيبداو يطيحو فالمستوى مع مرور الوقت. ولكن Sandara بقات نجمة لأزيد من 20 عام، سواء كمغنية، ممثلة، أو فمجالات أخرى.

بعض الآراء عليها كتقول :

- " إلا ما عرفوهاش، الأجانب يقدرو يضنوها قاصر."

- " عندها شي حاجة تخلقاها معاها، أنا Fan ديالها وكندير فبالي مرات شقيقتها اللّي ماشي مشهورة. الأخت ديالها فالثلاثينات ولكن كيبان عليها فالعشرينات. وزيد عليها Sandara كتهتم براسها مزيان. راه قاسحة مع راسها فالرياضة! كل مرة كتحاول تطلع عضلات البطن قبل ما تطلع للمسرح، كيفما دارت فـ Coachella وفحفلاتها القديمة. رغم أن جسمها صعيب عليه يبان عليه العضلات."

- " المهم ماشي العمر ديالها، ولكن الوجه ديالها. البشرة ديالها كيبان أصغر من ناس فالعشرينات."

- " خاصك تاكل مزيان باش تبقى صحيح."

الشخصية ديال Dara ديما كتنعكس فحياتها اليومية، كتضحك، كتعرف تلبس بطريقتها الخاصة، وديما عندها جرأة فاختياراتها. وحتى فالمواقف الغريبة، كتدير بلاصتها، بحال اللّي وقع فـ Coachella ملي طاحت صبّاطها وسط الأداء وهي كتدير ركلة فالهوا.

بخلاصة Sandara Park هي التعريف الحقيقي لـ"شابة للأبد"، بلا شعارات خاوية، هي كتعيش الشباب بكل معانيه!